Landaketa denboraldi berria estreinatu genuen Lurgaia Fundazioarekin batera. Muskiritzuko magalean, lagapenean dauzkagun lursailetan, 350 zuhaitz berri landatu genituen. 

"Gure natura ezagutzen" programaren baitan, hazi bilketa eta mikologia irteera izan dugu Morkaikok, Atxutxiamaikak, Elgoibarko Baso Biziak, Karakate Mikologia Elkarteak, Elgoibar Ikastolak eta Elgoibako Herri Eskolak elkarlanean antolatua. Morterika inguruan burutu dugu ibilbidea eta ondoren hazi-bonbak egiten eta perretxikoak sailkatzen aritu gara Herri eskolan. Gustora aritu gara, eta beste behin ere asko ikasi dugu. Oihana Barrutia eta Aranzadi Zientzia Elkarteako Unai Fernandes izan ditugu gidari eta eskerrak eman nahi dizkiegu perretxikoak biltzen lagundu diguzuen guztioi. 

Morkaiko Mendizale Elkarteak, Elgoibarko Izarraren Atxutxiamaikaren aisialdi sailak eta Elgoibarko Baso Biziak elkarteak elkarlanean antolatutako “Gure Natura Ezagutzen” programaren baitan, gaueko zerua ezagutzeko jarduera burutu zen Karakaten.

"Gure natura ezagutzen" programaren baitan, tximeletak ezagutzeko irteera izan genuen, Arantzazu inguruan. Tximeletak aktibatzeko tenperatura baxuegiak izan arren, eguzki pixkat izan genuen momentuetan hainbat espezie ikustea lortu genuen, eta ibilbide eroso eta polit batetaz gozatu ahal izan genuen. Eskerrik asko Zerynthia elkarteko Iker Novoari, gidari lanagatik. 

Oraingoan "Gure natura ezagutzen" programaren baitan larunbat goizean egindako irteeran, Egur Arte Tailerra-ko Paula izan genuen gidari. Natura beste ikuspegi batetik gozatu eta landa-koadernoa nola egin azaldu zigun. Eguraldia lagun, haur eta helduok akuarela, arkatza, ikatzarekin... paisaiak, loreak, animaliak... margotzeko lehen urratsak ikasi genituen. 

Morkaiko, Karakate Bizirik,Elgoibarko Udala eta guk, Elgoibarko zineklubaren laguntzaz antolatutako Natur Zinema zikloaren barruan, 3. pelikularen emanaldia proiektatu da, Herriko Antzokian.

Denboraldiko azken landaketa egin genuen asteburuan, lagapenenan dauzkagun lursailetan, Lurgaia fundazioarekin batera. Bi taldetan banatuta, 2 lursail desberdinetan aritu ginen, guztira beste 390 zuhaitz landatuz. 

"Gure natura ezagutzen" programaren baitan, ostiral gauean anfibioak ezagutzeko irteera izan genuen. Irteeran zehar euria izan genuen arren, bertaratutakoak ilusio handiz aritu ziren gure inguruan bizi diren anfibio espezieak ezagutzen, txikienak bereziki. Eskerrik asko Aranzadi Zientzia Elkarteko Ander Izagirreri, gidari lanagatik.

Larunbatean haurren txanda izan zen eta primeran aritu ziren zuhaitzak landatzen!

Beti bezala, eskerrik asko landatzera animatu zinetenei, hamaiketakoa prestatu duzuenoi, lurjabeari, Lurgaia Fundazioari, traktorarekin lagundu zigun Manueli, tresnak oparitu zizkigun Bellota Europe-ri, ekonomikoki lagundu diguzuen Alcorta Group, Bernardo Ecenarro eta Rural Kutxari eta lursaila desbrozatu digun Elgoibarko udalari. Eskerrik asko guztioi!

Atxutxiamaika, Morkaiko eta norbanakoekin elkarlanean antolaturiko ekintza izan da, "gure natura ezagutzen" egitasmoaren barruan.

Morkaiko, Karakate Bizirik,Elgoibarko Udala eta guk, Elgoibarko zineklubaren laguntzaz antolatutako Natur Zinema zikloaren barruan, 2. pelikularen emanaldia proiektatu da, Herriko Antzokian.

Landaketa berria egin dugu gaur, akordioan lortutako lursail berri batean. Dagoeneko baditu 200 zuhaitz gehiago!

Eskerrik asko zuhaitzak landatzera animatu zaretenei, lurjabeari, traktorarekin lagundu digu Manueli, tresnak oparitu zizkigun Bellota-ri, diruz lagundu digun Alcorta Group-i eta lursaila desbrozatu digun Elgoibarko udalari. Eskerrik asko guztioi!

Beste 300 zuhaitz landatu genituen landaketa hauetan.

Berriz ere zuei esker! Eskerrik asko zuhaitzak landatzen laguntzen diguzuen guztioi! Eskerrik asko baita Lurgaia Fundazioari, lurjabeei, materiala traktorean igo duenari eta tresnak oparitu zizkigun Bellota Europeri.

Irudiaren bidez, ingurumenaren ezagutza eta errespetua sendotu nahi ditugu Morkaiko, Karakate Bizirik eta Elgoibarko Baso Biziak-ek. Horretarako, Elgoibarko Udaleko Kultura sailarekin batera eta Ongarri Zineklubaren laguntzarekin, pelikula eta dokumentalen emanaldi ziklo bat antolatu dugu. Lehen emanaldia "Queso de cabra y té con sal" pelikula izan da.